Téori Asal-Usul Kauripan
Téyori asal-usul kauripan iku téyori kang isiné njléntréhaké babagan asalé kauripan, téyori iki ana loro ya iku téyori abiogénesis lan téyori biogénesis.[1]
- Téyori aboiogénesis[1]
Ing abad ke-17 Aristoteles gawé tetélan déné makluk urip iku kedadéyané spontan utawa ujug-ujug ana (abiogenesis utawa generatio spontanea).[1] Téyori iki olih panjurung saka Leeuwenhook (wong kang gawé miksroskop) dhèwèké ora sengaja njupuk banyu saka rendheman jerami kang wis bosok.[1] Ing jero banyu kuwé tinemu organisme urip.[1] Dhèwèké gawé kesimpulan déné makluk iku kadadéan saka banda mati.[1]
- Téyori Biogénesis[2]
Tokoh saka téyori iki ya iku antarané Lazzaro Spallanzani, Fransisco Redi, Louis Pasteur.[2] Téyori iki nyatakaké déné makluk urip iku asalé saka makluk urip liyané.[2] Téyori iki ngguguraké téyori asal usul makluk urip sedurungé ya iku téyori abiogénesis.[2] Semboyan saka téyori iki ya iku “omne vivum ex ovo, omne vivum ex vivo” kang artiné makluk urip iku asalé saka endhog, kedadéyané makluk urip iku saka makluk urip kang wis ana sedurungé.[2] Fransisco Redi nganakaké percobaan nganggo daging, botol nomer siji iku ditutup rapet, botol nomer loro ditutup nganggo kain kasa, botol nomer telu ora ditutup. Kasilé, botol nomer siji ora ana baktériné, botol nomer loro ana baktériné nanging sethithik, botol nomer telu akèh baktériné.[2] Lazzaro Spallanzani uga gawé percobaan nganggo banyu kaldhu lan perlakuané padha baé kaya Redi lan kasilé uga padha.[2] Louis Pasteur nganakaké percobaan nganggo banyu kaldu kang didelahaké ing labu kang guluné kaya gulu banyak.[2] Kasilé padha baé kaya F. Redi lan L. Spallanzani.[2] Katelu ilmuwan iku ora sarujuk karo téyori abiogénesis.[2]